Sagenhaftes Island, Gljúfrasteinn, Þjóðmenningarhús og skáldasetur í Berlín
Mjög sátt við nýafstaðna ferðasýningu.
ITB ferðasýningunni lauk síðasta sunnudag. Sagenhaftes Island var með bás á sýningunni ásamt Gljúfrasteini, Þjóðmenningarhúsi og nokkrum skáldasetrum: Davíðshúsi, Nonnahúsi, Sigurhæðum, Skriðuklaustri, Snorrastofu og Þórbergssetri.
Að sögn Katrínar Árnadóttur, starfsmanns Sagenhaftes Island í Berlín sem fór fyrir básnum, var sýningin vel sótt og mikill fjöldi gesta sem lagði leið sína á básinn sem var staðsettur í þeim hluta sýningarinnar sem kallast Culture Lounge og tengist menningartengdri ferðamennsku.
Mikill hugur er í íslenskum ferðaþjónustuaðilum og eru ferðaskrifstofur, bæði innlendar og erlendar, nú þegar byrjaðar að undirbúa ferðir útlendinga til Íslands sem tengjast munu bæði beint og óbeint íslenskum bókmenntum og íslenskum bókmenntaarfi.