Nýr og notendavænni umsóknarvefur Miðstöðvar íslenskra bókmennta tekinn í notkun
Vefurinn er notendavænn fyrir síma- og spjaldtölvur og er enn skýrari og aðgengilegri en áður.
Miðstöð íslenskra bókmennta hefur opnað nýjan umsóknarvef sem var endurhannaður með það að leiðarljósi að vera enn skýrari og aðgengilegri en áður og auka með því þjónustu við umsækjendur. Þeir sem hafa sótt um styrki Miðstöðvarinnar áður þurfa eingöngu að óska eftir nýju lykilorði. Nýir notendur þurfa að skrá sig hér.
Vefurinn gerir notendum kleift að sækja um styrki í snjallsímum, spjaldtölvum og öllum nettengdum tækjum.
Sem fyrr er alltaf opnað fyrir umsóknir á vefnum fjórum vikum áður en umsóknarfrestur rennur út og nú er því opið fyrir umsóknir um styrki til þýðinga á erlend mál, þýðinga á norræn mál, kynningarþýðinga- sem og lestrarskýrslustyrki og ferðastyrki, en umsóknarfrestir um þá renna út 15. september.
Hér má finna allar upplýsingar um styrki Miðstöðvar íslenskra bókmennta og umsóknarfresti.
Miðheimar ehf. sá um hönnun og uppsetningu umsóknarvefjarins.