Ísland var í heiðurssæti á Les Boréales hátíðinni í Normandí og höfundarnir fengu stórkostlegar viðtökur.

30. nóvember, 2023

Mikill áhugi er á íslenskum bókmenntum í Frakklandi og nú er svo komið að stór og virt frönsk forlög gefa út marga íslenska titla. Þennan einstaka árangur má einnig þakka framúrskarandi og afkastamiklum þýðendum íslenskra bókmennta á frönsku.

  • IMG_8838
  • Lilja-Sig

  • IMG_8861

  • IMG_8869

  • Yrsa_1701168781708

  • Ragnar-jonasson_1701168781712

  • IMG_8772


Ísland var í öndvegi á norrænu menningarhátíðinni Festival les Boréales í Normandí sem haldin var frá 15. til 26. nóvember. Fjöldi íslenskra listamanna kom fram á hátíðinni, þ. á m. rithöfundarnir Fríða Ísberg, Halldór Armand Ásgeirsson, Auður Ava Ólafsdóttir, Ragnar Jónasson, Yrsa Sigurðardóttir, Andri Snær Magnason, Torfi Túliníus, Guðmundur Felix Grétarsson, Nína Björk Jónsdóttir, Edda Magnus, Örvar Þóreyjarson Smárason, Sigrún Pálsdóttir og Lilja Sigurðardóttir.

Auk þess var íslensk tónlist, kvikmyndir, myndlist og margt fleira á dagskránni. Les Boréales hefur gegnt mikilvægu hlutverki í að kynna íslenskar bókmenntir í Frakklandi og íslenskudeild háskólans í Caen hefur menntað flesta þá frönsku þýðendur sem gegna nú lykilhlutverki í vinsældum íslenskra bókmennta í Frakklandi eins og Eric Boury, Jean-Christophe Salaün, Hadrien Chalard og fleiri.


  • IMG_8703

  • IMG_8760_1701169402971

  • IMG_8862

  • IMG_8810

  • IMG_8712

  • IMG_8713

Viðtökurnar voru hreint út sagt frábærar, fullt útúr dyrum á alla viðburði og mikil ánægja með höfundana. Þýðendurnir öflugu túlkuðu jafnóðum úr íslensku á frönsku ef þurfti, því Frakkarnir  vilja gjarnan heyra íslenskuna og fá svo þýtt á frönsku. 

Les Boréales er haldin árlega í nóvember og á næsta ári verður Finnland í heiðurssæti.

 


Allar fréttir

Tilnefningar til Bókmenntaverðlauna Norðurlandaráðs 2024 - 22. febrúar, 2024 Fréttir

Skáldævisagan Jarðsetning eftir Önnu Maríu Bogadóttur og skáldsagan Tól eftir Kristínu Eiríksdóttur eru tilnefndar til Bókmenntaverðlauna Norðurlandaráðs 2024 fyrir Íslands hönd.

Nánar

Tilnefningar til Viðurkenningar Hagþenkis fyrir árið 2023 - 22. febrúar, 2024 Fréttir

Hagþenk­ir hef­ur frá ár­inu 1986 veitt viður­kenn­ingu fyr­ir fræðirit, náms­gögn eða aðra miðlun fræðilegs efn­is til al­menn­ings og til­nefnir tíu höf­unda og bæk­ur sem til greina koma. Viður­kenn­ingaráð Hagþenk­is, skipað fimm fé­lags­mönn­um, velur verkin.

Nánar

Auglýst eftir umsóknum um útgáfustyrki, þýðingastyrki á íslensku og styrki úr barna- og ungmennabókasjóðnum Auði - 15. febrúar, 2024 Fréttir

Styrkirnir eru veittir útgefendum á Íslandi og er umsóknarfrestur til 15. mars 2024.

Nánar

Allar fréttir