Tilnefningar til barna- og unglingabókmenntaverðlauna Norðurlandaráðs 2018
Skrímsli í vanda og Vertu ósýnilegur - flóttasaga Ishmeals tilnefndar fyrir Íslands hönd
Vertu ósýnilegur - flóttasaga Ishmaels eftir Kristínu Helgu Gunnarsdóttur og Skrímsli í vanda eftir Áslaugu Jónsdóttur, Kalle Güettler og Rakel Helmsdal eru tilnefndar fyrir Íslands hönd.
Tilkynnt var á barnabókamessunni í Bologna þann 26. mars hvaða bækur hlutu tilnefningu til barna- og unglingabókmenntaverðlauna Norðurlandaráðs 2018. Á sama tíma var athöfn í Norræna húsinu þar sem tilnefningarnar voru kynntar.
Fulltrúar hvers lands í dómnefndinni hafa tilnefnt verk frá sínu landi, alls 13 verk frá 8 löndum. Skoða má umsögn dómnefndar um hverja bók með því að smella á bókatitlana hér neðar.
Ísland
Vertu ósýnilegur – Flóttasaga Ishmaels eftir Kristínu Helgu Gunnarsdóttir, Forlagið, 2017
Skrímsli í vanda eftir Áslaugu Jónsdóttur, Kalle Güettler & Rakel Helmsdal, Forlagið, 2017
Danmörk
Lynkineser eftir Jesper Wung-Sung og Rasmus Meisler (myndskr.), Dansklærerforeningen, 2017
Hest Horse Pferd Cheval Love eftir Mette Vedsø, Jensen & Dalgaard, 2017
Finnland
Kurnivamahainen kissa eftir Magdalena Hai & Teemu Juhani (myndskr.), Karisto, 2017
Pärlfiskaren eftir Karin Erlandsson, Schildts & Söderströms, 2017
Færeyjar
Træið eftir Bárð Oskarsson, Bókadeild Føroya Lærarafelags, 2017
Noregur
Ingenting blir som før eftir Hans Petter Laberg, Cappelen Damm, 2017
Alice og alt du ikke vet og godt er det eftir Torun Lian, Aschehoug forlag, 2017
Samíska málsvæðið
Joekoen sjïehteles ryöjnesjæjja eftir Anne-Grethe Leine Bientie & Meerke Laimi Thomasson Vekterli (myndskr.), Iđut, 2014
Svíþjóð
Fågeln i mig flyger vart den vill eftir Sara Lundberg, Mirando Bok, 2017
Norra Latin eftir Sara Bergmark Elfgren, Rabén Sjögren, 2017
Álandseyjar
Pärlfiskaren eftir Karin Erlandsson, Schildts & Söderströms, 2017
Verðlaunahafi tilkynntur 30. október
Verðlaunahafinn verður tilkynntur í Norsku óperunni þann 30. október 2018 þegar Norðurlandaráð þingar í Ósló. Verðlaunin nema 350 þúsund dönskum krónum.
Um barna- og unglingabókmenntaverðlaun Norðurlandaráðs
Verðlaun Norðurlandaráðs fyrir barna- og unglingabókmenntir voru veitt í fyrsta sinn á þingi Norðurlandaráðs árið 2013 um leið og önnur verðlaun ráðsins. Verðlaunin eru afhent að ósk menningarráðherra Norðurlanda sem vilja efla og vekja athygli á barna- og unglingabókmenntum Norðurlanda.