Tilnefningar til barna- og unglingabókmenntaverðlauna Norðurlandaráðs 2020

2. apríl, 2020

Villueyjar eftir Ragnhildi Hólmgeirsdóttur (útg. Bókabeitan) og Egill spámaður eftir Lani Yamamoto (útg. Angústúra) eru tilnefndar fyrir Íslands hönd.

Nútímaleg dæmisaga um önd sem býr í borg og getur ekki lengur flogið, ljóð í dagbókarformi um harðstjóra á eigin heimili og son hans og saga um óbugandi perluveiðimann sem leitar sérstaks augasteins eru á meðal þeirra 14 verka sem tilnefnd eru til barna- og unglingabókmenntaverðlauna Norðurlandaráðs 2020. Verðlaunahafinn verður kynntur þann 27. október.

Villueyjar

Yfirleitt er tilkynnt um tilnefningarnar á alþjóðlegu barna- og unglingabókasýningunni í Bologna en hætt var við hana í ár vegna útbreiðslu kórónuveirunnar. Á tímum einangrunar og sóttkvíar geta bókmenntirnar opnað dyr að nýjum ævintýrum og sögum.

Þetta eru myndabækurnar, unglingabækurnar og ljóðasöfnin sem tilnefnd eru til verðlaunanna í ár:

Egill-spamadur

Ísland

Villueyjar. Höfundur Ragnhildur Hólmgeirsdóttir. Unglingabók, Björt bókaútgáfa; 2019. 

Egill spámaður. Höfundur Lani Yamamoto. Myndabók, Angústúra, 2019.

Danmörk

Ud af det blå. Höfundar Rebecca Bach-Lauritsen og Anna Margrethe Kjærgaard (myn… Min øjesten. Höfundar Merete Pryds Helle og Helle Vibeke Jensen (myndskr.). Myn…

Finnland

Vi är Lajon! Höfundar Jens Mattsson og Jenny Lucander (myndskr.). Myndabók, För… Sorsa Aaltonen ja lentämisen oireet. Höfundar Veera Salmi og Matti Pikkujämsä (…

Færeyjar

Loftar tú mær? Höfundur Rakel Helmsdal. Myndabók, Bókadeild Føroya Lærarafelags…

Grænland

Orpilissat nunarsuarmi kusanarnersaat. Höfundar Juaaka Lyberth og Maja-Lisa Keh…

Noregur

Draumar betyr ingenting. Höfundur Ane Barmen. Unglingabók, Gyldendal, 2019. Når er jeg gammel nok til å skyte faren min? Höfundar Åse Ombustvedt og Mariann…

Samíska tungumálasvæðið

Guovssu guovssahasat. Höfundar Karen Anne Buljo og Inga-Wiktoria Påve (myndskr…

Svíþjóð

Hästpojkarna. Höfundur Johan Ehn. Unglingabók, Gilla Böcker, 2019. Trettonde sommaren. Höfundur Gabriella Sköldenberg. Unglingabók, Natur & Kultur…

Álandseyjar

Segraren. Höfundur Karin Erlandsson. Unglingabók, Schildts & Söderströms, 2019.

 

Dómnefnd skipuð fulltrúum frá löndunum tilnefndi verk til barna- og unglingabókmenntaverðlaunanna.

Tilkynnt um verðlaunahafann 27. október

Handhafi barna- og unglingabókmenntaverðlauna Norðurlandaráðs verður kynntur þann 27. október á verðlaunahátíð í Reykjavík í tengslum við þing Norðurlandaráðs. Verðlaunahafinn hlýtur verðlaunagripinn Norðurljós og 350 þúsund danskar krónur.

Um barna- og unglingabókmenntaverðlaun Norðurlandaráðs

Barna- og unglingabókmenntaverðlaun Norðurlandaráðs voru veitt í fyrsta sinn árið 2013 að ósk norrænu menningarmálaráðherranna, sem höfðu um árabil viljað efla og vekja athygli á barna- og unglingabókmenntum á Norðurlöndum.

Á Norðurlöndum njóta bæði börn og unglingar virðingar sem virkir þátttakendur í lýðræðislegu samfélagi. Það endurspeglast í norrænum barna- og unglingabókmenntum sem einkennast af virðingu fyrir lesandanum og heimsmynd hans, hvort sem viðfangsefnið er jarðbundin lýsing á hversdagsleikanum, tilvistarkreppa eða spennandi ævintýri í ókunnu umhverfi.

Markmið hinna fimm verðlauna Norðurlandaráðs er að auka áhuga á norrænu menningarsamfélagi og samstarfi um umhverfismál, svo og að vekja athygli á verkefnum sem skarað hafa fram úr á sviði lista eða umhverfismála.

Nánari upplýsingar um barna- og unglingabókmenntaverðlaun Norðurlandaráðs Nánari upplýsingar um verðlaun Norðurlandaráðs Dómnefnd barna- og unglingabókmenntaverðlauna Norðurlandaráðs


Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár.  Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu. 

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og  John Swedenmark þýðandi hefur haft veg og vanda af sambærilegum  sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir