Tilnefningar til bókmenntaverðlauna Norðurlandaráðs 2021
Bækurnar Aðferðir til að lifa af eftir Guðrúnu Evu Mínervudóttur og Um tímann og vatnið eftir Andra Snæ Magnason eru tilnefndar til bókmenntaverðlauna Norðurlandaráðs fyrir Íslands hönd.
14 norrænar skáldsögur, smásagnasöfn og ljóðabækur eru tilnefndar til bókmenntaverðlauna Norðurlandaráðs 2021. Bækurnar sem tilnefndar eru í ár koma frá öllum norrænu löndunum og málsvæðunum. Verkin bera vitni um öflugt svið fagurbókmennta og sum þeirra eru eftir höfunda sem hafa áður hlotið tilnefningu til verðlaunanna.
Handhafi bókmenntaverðlauna Norðurlandaráðs 2021 verður kynntur þann 2. nóvember í Kaupmannahöfn í tengslum við þing Norðurlandaráðs. Verðlaunahafinn hlýtur að launum verðlaunagripinn Norðurljós og 300 þúsund danskar krónur.
Tilnefnd verk frá Íslandi:
Um tímann og vatnið eftir Andra Snæ Magnason. Skáldsaga, Forlagið, 2019.
Aðferðir til að lifa af eftir Guðrúnu Evu Mínervudóttur. Skáldsaga, Bjartur, 2019.
Eftirtalin fagurbókmenntaverk eru tilnefnd frá hinum Norðurlöndunum:
Danmörk
Penge på lommen. Scandinavian Star. Del 1 eftir Astu Oliviu Nordenhof. Skálds…Mit smykkeskrin eftir Ursulu Andkjær Olsen. Ljóðabók, Gyldendal, 2020.
Finnland
Bolla eftir Pajtim Statovci. Skáldsaga, Otava, 2019.Autofiktiv dikt av Heidi von Wright eftir Heidi von Wright. Ljóðabók, Schildts …
Færeyjar
Eg skrivi á vátt pappír eftir Lív Mariu Róadóttur Jæger. Ljóðabók, Forlagið Eks…
Grænland
Naasuliardarpi eftir Niviaq Korneliussen. Skáldsaga, Milik Publishing, 2020.
Noregur
Er mor død eftir Vigdis Hjorth. Skáldsaga, Cappelen Damm, 2020.Det uferdige huset eftir Lars Amund Vaage. Skáldsaga, Forlaget Oktober, 2020.
Samíska málsvæðið
Gáhttára Iđit eftir Ingu Ravna Eira, ljóðabók, Davvi Girji, 2019.
Svíþjóð
Strega eftir Johanne Lykke Holm. Skáldsaga, Albert Bonniers förlag, 2020.Renheten eftir Andrzej Tichý. Smásagnasafn, Albert Bonniers Förlag, 2020.
Álandseyjar
Broarna eftir Sebastian Johans. Skáldsaga, Nirstedt/litteratur, 2020.
Dómnefndir skipaðar fulltrúum frá löndunum hafa tilnefnt verk til bókmenntaverðlauna Norðurlandaráðs 2021.
Um bókmenntaverðlaun Norðurlandaráðs
Bókmenntaverðlaun Norðurlandaráðs hafa verið veitt síðan 1962 fyrir fagurbókmenntaverk sem samið er á einu af norrænu tungumálunum. Það getur verið skáldsaga, leikverk, ljóðabók, smásagnasafn eða ritgerðasafn sem uppfyllir strangar kröfur um bókmenntalegt og listrænt gildi.
Markmið hinna fimm verðlauna Norðurlandaráðs er að auka áhuga á norrænu menningarsamfélagi og samstarfi um umhverfismál, svo og að vekja athygli á verkefnum sem skarað hafa fram úr á sviði lista eða umhverfismála.