Landsmenn gera lesturinn að lífsstíl. Úrslit í Allir lesa landsleiknum 2017

ALLIR LESA landsleiknum er lokið og hafa þátttakendur lesið í samtals 43.567 klukkustundir, eða sem samsvarar um fimm árum!

22. febrúar, 2017 Fréttir

Allir lesa er landsleikur í lestri, með áherslu á orðið leikur og er tilgangurinn fyrst og fremst að vekja athygli á því hversu skemmtilegt það er að lesa. Allir lesa snýst þannig ekki um lestrarhraða eða fjölda blaðsíðna heldur er takmarkið fyrst og fremst að hvetja landsmenn til að verja tíma í yndislestur.

Lestrarhestur landsins las í rúma 300 klukkutíma á þremur vikum

Allirlesa

Í ár var sú nýbreytni kynnt til sögunnar að ekki var bara hægt að keppa í liði heldur einnig sem einstaklingur. Varð þetta til þess að fleiri tóku þátt og voru keppendur mjög virkir á tímabilinu. Öflugasti lestrarhestur landsins er Ásdís Jónsdóttir frá Hólmavík en hún las í 304,3 klukkustundir.

Sigurliðið skipað þremur ungum konum 

Liðakeppnin var æsispennandi að vanda og hafa fjölbreytt lið víðsvegar af landinu raðað sér í efstu sætin. Í fyrsta sæti er liðið „Við“, skipað þremur ungum konum en þær segja glettnar að það besta við keppnina sé að hún krefjist ekki hreyfingar. Þær eru þó sannarlega andleg hreystimenni og lásu að meðaltali í 215,7 klukkustundir á tímabilinu. Það sveitarfélag sem býr yfir kraftmestu lesendunum er Strandabyggð, því næst Fjallabyggð og loks Dalabyggð.

 

Allirlesa3

Takmarkið að landsmenn verji tíma í lestur daglega 

Allir lesa er landsleikur í lestri, með áherslu á orðið leikur og er tilgangurinn fyrst og fremst að vekja athygli á því hversu skemmtilegt það er að lesa, hvort sem er einn eða með öðrum. Allir lesa snýst þannig ekki um lestrarhraða eða fjölda blaðsíðna heldur er takmarkið fyrst og fremst að hvetja landsmenn til að verja tíma í yndislestur. Með því að skrá inn að minnsta kosti 15 mínútur af lestri dag hvern vonumst við til þess að bóklestur komist inn í daglega rútínu og lesturinn verði að lífsstíl. Sigurvegarar í hverjum flokki fyrir sig eru á ýmsum aldri og lesa allt milli himins og jarðar. Sú bók sem flestir þátttakendur lásu á tímabilinu var Tvísaga eftir Ásdísi Höllu Bragadóttur. Einnig voru skráðar fornbókmenntir, matreiðslubækur, dagblöð og myndasögur.

 Aðstandendur ALLIR LESA eru Miðstöð íslenskra bókmennta og Reykjavík Bókmenntaborg UNESCO, með stuðningi frá Mennta- og menningarmálaráðuneytinu .


Allar fréttir

Sumarlokun skrifstofu  - 1. júlí, 2020 Fréttir

Skrifstofa Miðstöðvar íslenskra bókmennta er lokuð vegna sumarleyfa frá 6. júlí til 4. ágúst.

Nánar

Þýðendasíða með lista yfir virka þýðendur úr íslensku á erlend mál - 24. júní, 2020 Fréttir

Á síðunni má finna upplýsingar um þýðendurna, menntun þeirra og bakgrunn - sem og helstu verk sem þau hafa þýtt úr íslensku.  

Nánar

Nýræktarstyrkina í ár hljóta Aðalsteinn Emil Aðalsteinsson, Arndís Lóa Magnúsdóttir, Guðmundur Ingi Markússon og Halla Þórlaug Óskarsdóttir - 4. júní, 2020 Fréttir

Miðstöð íslenskra bókmennta hefur úthlutað Nýræktarstyrkjum til fjögurra nýrra höfunda og nemur hver styrkur 500 þúsund krónum. Lilja Alfreðsdóttir, mennta- og menningarmálaráðherra, afhenti styrkina.

Nánar

Allar fréttir