Útgefendaskipti Reykjavík/Stokkhólmur. Auglýst eftir umsóknum!

Íslenskir útgefendur geta sótt um styrk til að kynna íslenskar bækur fyrir sænskum útgefendum dagana 12.-14. júní

30. janúar, 2019

Í júní næstkomandi efnir Miðstöð íslenskra bókmennta til samstarfs við sænsku bókmenntamiðstöðina (Swedish Literature Exchange) um útgefendaskipti milli landanna (Reykjavík - Stokkhólmur). Sambærileg skipti hafa verið reynd milli annarra norrænna landa og hafa þau gefið góða raun. Markmiðið með útgefendaskiptum við Svía er að efla tengsl milli fagaðila, kynna íslenskar bókmenntir í Svíþjóð og auka útbreiðslu þeirra þar.

Útgefendaskiptin fara þannig fram að íslenskir útgefendur fara til Stokkhólms dagana 12.-14. júní og hitta þar kollega sína á fundum og sænsku útgefendurnir gera slíkt hið sama hér á landi 5.-7. júní.

Sænska bókmenntamiðstöðin undirbýr dvöl íslensku gestanna í Stokkhólmi og sendir fyrirfram upplýsingar um tengiliði sænskra útgefenda/umboðsmanna, býður í kvöldverð og fleira. Hver og einn þátttakandi skipuleggur svo sína fundi sjálfur.

Miðstöð íslenskra bókmennta mun styrkja þrjá íslenska útgefendur til fararinnar (einn fulltrúa hvers útgefanda), greiða flug til Stokkhólms og 2 nætur á hóteli.

Hér með er auglýst eftir umsóknum um þátttöku, þar sem eftirfarandi þarf að koma fram:

  • Stutt kynning á útgefandanum.
  • Hvaða íslenska titla viðkomandi hyggst kynna erlendum útgefendum.
  • Hvaða útgefendur óskað er eftir að hitta í Stokkhólmi, ef það liggur fyrir.

Að ferð lokinni verður óskað eftir stuttri greinargerð.

Umsóknir skulu sendar á netfangið islit@islit.is fyrir 1. mars 2019.

Allar fréttir

Nanna Rögnvaldardóttir hlýtur Barnabókaverðlaun Guðrúnar Helgadóttur í ár - 4. september, 2025 Fréttir

Flóttinn á norðurhjarann fjallar um mæðgur sem þurfa að flýja erfiðar aðstæður og takast á við margar hindranir í leit sinni að betra lífi. Söguhetjan er stelpa sem í upphafi sögu er tólf ára gömul og sagan er alfarið sögð frá hennar sjónarhorni sem gerir lesendum auðveldara að setja sig í hennar spor. Sagan gerist undir lok 18. aldar í kjölfar Móðuharðindanna og margvíslegra erfiðleika af þeirra sökum.

Nánar

Ást, losti og dramatík eru þemu bókamessunnar í Gautaborg í ár - 1. september, 2025 Fréttir

Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár.  Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu. 

Nánar

Upplýsingar um allar íslenskar bækur á frönsku og sænsku aðgengilegar - 19. ágúst, 2025 Fréttir

Dr. Hanna Steinunn Þorleifsdóttir, fyrrum yfirmaður norrænu deildarinnar við háskólann í Caen í Frakklandi heldur úti athyglisverðum vef með upplýsingum um allar þýðingar sem komið hafa út á frönsku og  John Swedenmark þýðandi hefur haft veg og vanda af sambærilegum  sænskum vef samvinnu við íslenska sendiráðið í Stokkhólmi og fleiri.

Nánar

Allar fréttir