Úthlutun úr barna- og ungmennabókasjóðnum Auði; 25 spennandi verk hljóta styrki
Miðstöð íslenskra bókmennta hefur úthlutað 8 millj.kr. til 25 verka árið 2024. Alls bárust 45 umsóknir og sótt var um 30,6 millj.kr.
8 milljónum var veitt úr sjóðnum til 25 barna- og ungmennaverka sem koma út á næstunni.
-
Verk sem áður hafa hlotið styrk úr barna- og ungmennabókasjóðnum Auði
Með styrkjunum er markmiðið að efla útgáfu vandaðra bóka á íslensku fyrir yngri lesendur, myndríkar bækur sem og textabækur, fræðibækur, skáldverk og allt þar á milli. Styrkirnir eru veittir útgefendum.
Höfundar verkanna sem hljóta styrki eru bæði reyndir barnabókahöfundar sem og höfundar sem eru að stíga sín fyrstu skref í heimi barnabóka. Þar má nefna Þórarin Eldjárn, Gunnar Helgason, Bergrúnu Írisi Sævarsdóttur, Önnu Dröfn Ágústsdóttur og Guðna Valberg og Bjarna Fritzson.
Meðal styrktra verka eru:
Hús. Höfundar: Anna Dröfn Ágústsdóttir og Guðni Valberg. Útgefandi: Angústúra
Vargöld 3. Höfundur: Þórhallur Arnórsson. Útgefandi: Forlagið
Skrímslaveisla. Höfundar: Áslaug Jónsdóttir, Kalle Güettler og Rakel Helmsdal. Útgefandi: Forlagið
Lilja og límbandið. Höfundur: Hilmar Örn Óskarsson og Blær Guðmundsdóttir. Útgefandi: Bókabeitan
Neistar. Höfundur: Hugrún Margrét Ólafsdóttir. Útgefandi: Kráka hönnun
Día, Dúi og dýrin. Höfundur: Hrafnhildur Halldórsdóttir og Signý Gunnarsdóttir. Útgefandi: Snúsnú bókaútgáfa
NammiDagur. Höfundur: Bergrún Íris Sævarsdóttir. Útgefandi: Bókabeitan
Fjársjóður í mýrinni. Höfundur: Sigrún Eldjárn. Útgefandi: Forlagið
Hér má nálgast allar úthlutanir ársins 2024 úr barna- og ungmennabókasjóðnum Auði.