Nýræktarstyrkina í ár hljóta Aðalsteinn Emil Aðalsteinsson, Arndís Lóa Magnúsdóttir, Guðmundur Ingi Markússon og Halla Þórlaug Óskarsdóttir

4. júní, 2020 Fréttir

Miðstöð íslenskra bókmennta hefur úthlutað Nýræktarstyrkjum til fjögurra nýrra höfunda og nemur hver styrkur 500 þúsund krónum. Lilja Alfreðsdóttir, mennta- og menningarmálaráðherra, afhenti styrkina.

Fimmtudaginn 4. júní, veitti Miðstöð íslenskra bókmennta fjórum nýjum höfundum Nýræktarstyrki fyrir verk þeirra, en hver styrkur nemur hálfri milljón króna. Lilja Alfreðsdóttir, mennta- og menningarmálaráðherra, afhenti styrkina við athöfn í Gunnarshúsi, húsi Rithöfundasambandsins.

Nýræktarstyrkir eru veittir árlega fyrir skáldverk höfunda sem eru að stíga sín fyrstu skref á ritvellinum, óháð aldri, og til að hvetja þá til frekari dáða á þeirri braut. Átt er við skáldverk í víðri merkingu; sögur, ljóð, leikrit og fleira.

Verkin sem hljóta viðurkenninguna í ár eru ljóðabækur, furðusaga og smásögur.

Nýræktarstyrki Miðstöðvar íslenskra bókmennta 2020 hljóta eftirtalin verk og höfundar:

IMG_8309

500 dagar af regni

Smásögur
Höfundur: Aðalsteinn Emil Aðalsteinsson 

 

IMG_8309Taugaboð á háspennulínu

Ljóðabók
Höfundur: Arndís Lóa Magnúsdóttir 

IMG_8312

Skuggabrúin

Furðusaga
Höfundur: Guðmundur Ingi Markússon

IMG_8307Þagnarbindindi

Ljóðsaga
Höfundur: Halla Þórlaug Óskarsdóttir 

 

Hér má lesa nánar um verkin og höfundana.

Að vali styrkhafa standa bókmenntaráðgjafar Miðstöðvar íslenskra bókmennta, sem í ár eru þau Bergsteinn Sigurðsson og Erna Erlingsdóttir.

Þrettánda úthlutun Nýræktarstyrkja - rúmlega sextíu höfundar hafa hlotið viðurkenninguna

Þetta er í þrettánda sinn sem Nýræktarstyrkjum er úthlutað, en alls hafa rúmlega sextíu höfundar hlotið þessa viðurkenningu frá upphafi, árið 2008 - fyrir afar fjölbreytt verk. Meðal þeirra sem hlotið hafa Nýræktarstyrki eru höfundarnir Fríða Ísberg, Hildur Knútsdóttir, Arngunnur Árnadóttir, Dagur Hjartarson, Arndís Þórarinsdóttir, Sverrir Norland, Júlía Margrét Einarsdóttir, Sigurlín Bjarney Gísladóttir, Kristín Ragna Gunnarsdóttir, Halldór Armand Ásgeirsson og Pedro Gunnlaugur Garcia svo aðeins nokkur séu nefnd.

Umsóknum um Nýræktarstyrki hefur fjölgað jafnt og þétt frá því þeim var fyrst úthlutað árið 2008 hjá Bókmenntasjóði, forvera Miðstöðvar íslenskra bókmennta, en þá bárust 9 umsóknir og 5 styrkir voru veittir, hver að upphæð 200.000 kr. Undanfarin þrjú ár hafa borist hátt í 60 umsóknir og styrkupphæðin er nú 500.000 kr.

Allar upplýsingar um Nýræktarstyrki og úthlutanir fyrri ára má finna hér.

 

  • Kátir styrkhafar með mennta- og menningarmálaráðherra.
  • Lilja Alfreðsdóttir, mennta- og menningarmálaráðherra, afhendir Nýræktarstyrkina.
  • Kátt á hjalla í sólinni!
  • Hrefna Haraldsdóttir, framkvæmdastjóri Miðstöðvarinnar, býður gesti velkomna.
  • Hrefna Haraldsdóttir ávarpar gesti í Gunnarshúsi.
  • Vinir og vandamenn samglöddust styrkhöfunum.
  • Gestir í Gunnarshúsi.
  • Gleði ríkti við afhendingu Nýræktarstyrkjanna.
  • Skrafað og skálað við styrkhafa og aðra gesti.
  • Guðrún Vilmundardóttir, útgefandi hjá Benedikt, Arndís Lóa Magnúsdóttir, styrkþegi, Valdís Anna Þrastardóttir og Ólafur Kristjánsson.
  • Halla Þórlaug Óskarsdóttir, styrkhafi, og Eva Rún Snorradóttir, skáld.
  • Guðmundur Ingi Markússon, styrkþegi, og fjölskylda ásamt Bryndísi Loftsdóttur.
  • Aðalsteinn Emil Aðalsteinsson, styrkhafi, var kátur við afhendingu Nýræktarstyrkja ásamt móður sinni, Sigríði Sturludóttur.
  • Heiðar Ingi Svansson, formaður Fíbút, og Aðalsteinn Ásberg, útgefandi hjá Dimmu, ræða málin.
  • Höfundarnir Björn Halldórsson og Pedro Gunnlaugur Garcia gæða sér á súkkulaði, ásamt syni.
  • Nóg til og meira frammi!
  • Nýræktarstyrkhafar ásamt Hrefnu Haraldsdóttur og Grétu M. Bergsdóttur hjá Miðstöð íslenskra bókmennta.
  • Viðurkenningarskjal með umsögn um verkið Taugaboð á háspennulínu
  • Viðurkenningarskjal með umsögn um verkið Skuggabrúin
  • Viðurkenningarskjal með umsögn um verkið Þagnarbindindi
  • Viðurkenningarskjal með umsögn um verkið 500 dagar af sólskini

 

 


Allar fréttir

Alþjóðlegar bókmenntahátíðir og viðburðir á döfinni í raun- og rafheimum með þátttöku íslenskra höfunda - 10. september, 2020 Fréttir

Vegna ástandsins í heiminum hefur fjölda bókamessa, bókmenntaviðburða, upplestra og útgáfuhófa um allan heim verið frestað eða fellt niður. Þó verða allmargir viðburðir haldnir í raunheimum á næstunni á meðan aðrir fara fram með rafrænum hætti.

Nánar

Yfir 50 íslenskar bækur gefnar út á þýsku þessi misserin - 2. september, 2020 Fréttir

Höfundar frá Íslandi eru alla jafna tíðir gestir á bókmenntaviðburðum víða um Þýskaland. Yfir 50 bækur hafa verið þýddar úr íslensku á þýsku og komið út, eða eru væntanlegar, í Þýskalandi, Austurríki og Sviss á liðnum þremur árum.

Nánar

Öllum ráðum beitt til að draga úr áhrifum heimsfaraldurs á íslenska bókmenningu - 1. september, 2020 Fréttir

Þar má nefna aukaúthlutun í maí, styrki til þátttöku í rafrænum viðburðum í stað ferða á viðburði erlendis, átak í þýðingum á erlend mál og samstarf Miðstöðvar íslenskra bókmennta við fjölda aðila og stofnana um kynningu íslenskra bókmennta og höfunda.

Nánar

Allar fréttir