Fjölbreytileiki heimilisbókasafna
„Þetta er algerlega frábært verkefni,“ segir Bryndís Loftsdóttir, vörustjóri hjá Eymundsson, um verkefnið „Komdu með til Frankfurt“ sem haldið er á vegum Sagenhaftes Island.
„Þetta er algerlega frábært verkefni,“ segir Bryndís Loftsdóttir, vörustjóri hjá Eymundsson, um verkefnið „Komdu með til Frankfurt“ sem haldið er á vegum Sagenhaftes Island.
„Við erum bergnumin yfir þátttökunni í samkeppninni líka, hvað fólk er viljugt að deila með öðrum bókasafninu sínu. Þetta er svo stór hluti af heimilum og persónum fólks, sem hingað til hefur ekki verið til sýnis. Ég nefni sem dæmi, að í öllum þessum lífsstílsþáttum um heimili fólks var bókasafni heimilisins sjaldnast veitt nokkur athygli.“
Bara teknar myndir af sófum, borðstofuhúsgögnum og lömpum?
„Já, meira svona blöndunartækin en bækurnar! En þetta er virkilega skemmtilegt uppátæki og gaman að sjá fjölbreytileika heimilisbókasafna á Ísland!“
Verkefnið er enn í fullum gangi og við hvetjum fólk eindregið til að senda ljósmyndir af heimilisbókasöfnum sínum á facebook síðu Sagenhaftes Island eða með tölvupósti á info[hjá]sagenhaftes-island.is. Í byrjun apríl verða þrír heppnir þátttakendur dregnir og fá þeir ferð fyrir tvo á Bókasýninguna í Frankfurt í haust.