Fjöruverðlaunin 2013
Auður Jónsdóttir tók í dag á móti Fjöruverðlaununum í flokki fagurbókmennta. Steinunn Kristjánsdóttir í flokki fræðibóka og Þórdís Gísladóttir í flokki barna- og unglingabóka.
Fagurbókmenntir
Fræðibækur
Steinunn Kristjánsdóttir: Sagan af klaustrinu á Skriðu. Útg. Sögufélagið
Bókin var einnig tilnefnd til viðurkenningar Hagþenkis og Íslensku bókmenntaverðlaunanna.
Barna- og unglingabækur
Þórdís Gísladóttir: Randalín og Mundi. Útg. Bjartur
Fjöruverðlaunahátíðin, sem hefur skapað sér sess á síðustu árum, er meðal annars ætlað að vekja athygli á mikilvægu framlagi kvenna til íslenskra bókmennta. Heiðursgestur hátíðarinnar að þessu sinni var frú Vigdís Finnbogadóttir sem flutti ávarp um félagsskap fyrrum þjóðarleiðtoga.
Að verðlaunaafhendingu lokinni fóru fram líflegar pallborðsumræður undir stjórn Brynhildar Heiðar- og Ómarsdóttur þar sem rætt var um hlutverk og sérstöðu kvenna í listum á Íslandi. Rætt var m.a. um hvort, og af hverju, enn væri þörf á sérstökum verðlaunum fyrir framlag kvenna á mismunandi sviðum lista á Íslandi. Í pallborði tóku þátt: Hlín Agnarsdóttir fyrrverandi leikstjóri, Ragnhildur Jóhanns myndlistamaður, Sigrún Eldjárn myndlistamaður og rithöfundur og Védís Hervör Árnadóttir tónlistarkona og formaður Félags kvenna í tónlist.
Tilnefningar til Fjöruverðlaunanna í ár má sjá hér.