Tíu íslenskir rithöfundar og skáld á bókmennta- og menningarhátíðinni Les Boréales í Caen í Frakklandi
Ísland og Litháen eru í brennidepli á hátíðinni í ár. Tíu íslenskir rithöfundar og skáld taka þátt í dagskrá hátíðarinnar sem nú stendur yfir þar á meðal Steinunn Sigurðardóttir, Guðbergur Bergsson og Bergsveinn Birgisson.
Fjöldi íslenskra rithöfunda og myndlistar-, tónlistar- og kvikmyndagerðarfólks koma fram á frönsku bókmennta- og menningarhátíðina Les Boréales í Caen í Frakklandi sem nú stendur nú yfir en Ísland og Litháen í brennidepli á hátíðinni að þessu sinni. Þetta er í 22. skiptið sem hátíðin er haldin en hún hefur frá upphafi beint sjónum að bókmenntum og menningu Norður- og Eystrarsaltslanda.
Hér má sjá glæsilega dagskrá hátíðinnar þar sem meðal annars koma fram franski þýðandinn Eric Boury, Torfi Tulinius bókmenntafræðingur, og rithöfundarnir Steinunn Sigurðardóttir, Jón Kalman Stefánsson, Óttar Martin Norðfjörð, Guðbergur Bergsson, Sigurður Pálsson, Bergsveinn Birgisson, Viktor Arnar Ingólfsson, Hallgrímur Helgason, Yrsa Sigurðardóttir og Ævar Örn Jósepsson. Íslensku höfundarnir munu þar meðal annars kynna nýlega útgefin verk sín í franskri þýðingu.
Hér má finna yfirlit yfir nýlegar útgáfur á frönskum þýðingum á íslenskum verkum.
Miðstöð íslenskra bókmennta styrkir hátíðina vegna þátttöku íslenskra höfunda í dagskránni.
 Steinunn Sigurðardóttir  |
 Guðbergur Bergsson  |
 Jón Kalman Stefánsson  |
|---|---|---|
 Sigurður Pálsson Yrsa Sigurðardóttir  |
 Eric Boury, þýðandi  Bergsveinn Birgisson  |
 Viktor Arnar Ingólfsson  |
 Ævar Örn Jósepsson |
 Hallgrímur Helgason  |
 Óttar M. Norðfjörð |